WET OP OPHEFFING VAN BEPERKINGS, 1967 (WET 84 VAN 1967)
Kragtens artikel 3(6) van bostaande Wet word hiermee kennis gegee dat die onderstaande aansoek ontvang is en ter insae lê by die kantoor van die Stadsbeplanningsafdeling, Bitou Munisipaliteit (Kantoor, No 7 Monks View, Kerk Straat). Enige navrae in die verband kan gerig word aan Adél Stander, by 044 – 501 3322, faks 044 533 6885. Die aansoek lê ook ter insae by die Kantoor van die Direkteur, Grondbestuur, Streek 3, Provinsiale Regering van die Wes-Kaap, 4de Vloer, York Park, York Straat, George, vanaf 08:00 – 12:30 en 13:00 – 15:30 (Maandag tot Vrydag). Telefoniese navrae in hierdie verband kan gerig word aan 044 805 8600. Enige besware, met die volledige redes daarvoor, moet skriftelik by die kantoor van bogenoemde Direkteur: Grond Bestuur Streek 3, Privaatsak X6509, George, 6509, ingedien word op of voor, nie minder as 30 dae van die datum van publikasie van hierdie kennisgewing, met vermelding van bogenoemde Wet en die beswaarmaker se erfnommer. Enige kommentaar wat na die voorgemelde sluitingsdatum ontvang word, mag moontlik nie in ag geneem word nie.
Aansoeker Aard van aansoek
Marike Vreken Urban and Environmental Planners Opheffing van ‘n beperkende titelvoorwaarde van toepassing op Erf 307, Kranshoek, om die eienaar in
staat te stel om 8 residensiële woonstelle op die eiendom op rig.
VOORGESTELDE HERSONERING EN AFWYKING: ERF 307, KRANSHOEK, BITOU MUNISIPALITEIT
Kennis word hiermee gegee dat Bitou Munisipaliteit ‘n aansoek ontvang het in terme van Artikel 15 en 17 van die Grondgebruikordonnansie (Ordonnansie 15 van 1985) vir die onderstaande:
Die hersonering van Erf 307, Kranshoek van ‘Residensiële Sone I’ na ‘Residensiële Sone IV’.
Verslapping van die noordelike straat boulyn van 8m na 4m.
Verslapping van die oostelike boulyn van 4m na 2m.
Verslapping van die parkeer vereisters van 10 parkeerplekke na 8 parkeerplekke.
Besonderhede aangaande die voorstel lê ter insae by die Munisipale Stadsbeplanningskantoor (Monks View, Kerk Straat, Plettenbergbaai) gedurende normale kantoorure. Navrae kan gerig word aan die Stadsbeplanner, Adél Stander (Tel: 044 – 501 3322).
Enige kommentaar op of besware teen die aansoek moet op skrif ingedien word ten einde die ondergetekende (Munisipale Bestuurder, Bitou Munisipaliteit, Privaatsak X1002, Plettenbergbaai, 6600 en/of fax nommer 044 – 533 3485) te bereik (en/of per hand ingedien by die Munisipale Kantore, Sewell Straat, Plettenbergbaai) teen nie later nie as Maandag, 6 January 2013, en moet die besonderhede (naam en posadres) van die betrokke persoon insluit. Kommentaar of besware wat na die voorgemelde sluitingsdatum ontvang word, mag moontlik nie in ag geneem word nie.
Persone wat wil kommentaar lewer maar nie kan lees of skryf nie mag die Departement: Strategiese Dienste (Stadsbeplanningsafdeling) besoek waar hul deur ʼn amptenaar bygestaan sal word ten einde hul kommentaar te formaliseer.
A Paulse
Munisipale Bestuurder
Bitou Plaaslike Munisipaliteit
Privaatsak X1002
PLETTENBERGBAAI